Tra canti, mangiati, e adozioni,
spissu però si fannu ‘ndigestioni!
Si comincia cu San Nicola,
bravu viscuvu di Nola,
mangiamu tutti favi cotti
e si sentinu li botti!
Appressu veni la Bedda ‘Mmaculata
E di guasteddi si fa l’abbuffata!
Arriva casta Santa Lucia
E iamu avanti ‘a cuccia.
Eccu Natali a conclusioni,
‘ntra tutti ì tavuli c’è ‘u panettoni;
cassatini, nulati e virciddati,
biscotta ricci e favi caliati
pi’ fari a ‘stu nobili misi,
mittemu a tavula li mussumulisi.
E pi chiuiri l’annu in allegria,
brindamu a San Silvestru ‘ncumpagnia.