A Papa Giovanni XXIII

La senta,santo Padre, el me pardona
Se profittando d'esser venessian,
Vegno da Lu, cussì, proprio a la bona
Per basarghe de cuor quela So man!

Quela So man che benedisse tuti,
Boni e cativi e bianchi e neri e zali,
Parchè Lu solo sa che semo fruti
De quel'albaro pien de tanti mali!

E come ch'El ga dito stamattina
La so Ciesa, che i malani vede,
Usarà la più dolse medissina.

Par farne sparagnar dolori e afani!
Ch'El sia un gran Papa ormai tuti lo sa,
Ma Lu oltre che 'l Papa el xe un papà!

C.Baseggio.11ottobre 1962